Сёння адзначаецца Міжнародны дзень спантаннай дабрыні
17 лютага ў свеце адзначаецца Міжнародны дзень спантаннага праяўлення дабрыні. Гэтае неафіцыйнае свята створана па ініцыятыве шэрагу міжнародных дабрачынных арганізацый, па меркаванні якіх дабрыня мае планетарнае значэнне. Свята варта адзначаць “усім светам” у адзін дзень, незалежна ад месца пражывання, грамадзянства і нацыянальнасці.
У гэты дзень варта быць не проста добрымі і спагадлівымі да чужой бяды, а добрымі бязмежна і бескарысліва.
У краінах СНД свята пакуль не атрымала шырокага распаўсюджвання, але эпізадычна ў гэты дзень праводзяцца дабрачынныя акцыі.
