Сёлета Еўрапейскі гуманітарны ўніверсітэт набраў з Беларусі 450 студэнтаў
![Еўрапейскі гуманітарны ўніверсітэт / ehu.lt](/sites/default/files/styles/gallery_main/public/2023-08/ehu-1110.jpg.webp?itok=D76ImiD_)
Еўрапейскі гуманітарны ўніверсітэт / ehu.lt
Па выніках уступнай кампаніі на 2022/2023 года Еўрапейскі гуманітарны ўніверсітэт набраў больш за 600 першакурснікаў. Як адзначае прэс-служба ўстановы, гэта амаль удвая болей, чым летась.
Прычым з Беларусі паступілі 450 студэнтаў, 45 чалавек — з Украіны, а 56 — з Расіі. Ёсць у ЕГУ таксама першакурснікі з Малдовы, Казахстана, Грузіі, Літвы.
Сёлета ўніверсітэт разам са школай лічбавай інжынерыі EPAM упершыню запусціў набор на новую бакалаўрскую праграму "Інфарматыка". На яе было пададзена больш за 170 заявак, з іх 131 чалавек быў рэкамендаваны да залічэння.
На бакалаўрскія праграмы "Медыя і камунікацыя" ды "Візуальны дызайн" сёлета залічылі больш за 100 студэнтаў на кожную.
Новы акадэмічны год у ЕГУ пачаўся 1 кастрычніка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.