Святлану Саханенка павіншаваў кіраўнік Беларусі
![Святлану Саханенка павіншаваў кіраўнік Беларусі](/sites/default/files/styles/gallery_main/public/2023-08/2018-03-10t053856z_262644990_rc14fe9f5cc0_rtrmadp_3_paralympics-2018-biat.jpg.webp?itok=Xz59c-kL)
Удзельніцу Паралімпіяды Святлану Саханенку з заваяваным залатым медалём павіншаваў Аляксандр Лукашэнка.
"Віншую цябе і ўсю каманду з першым беларускім золатам на Паралімпійскіх гульнях 2018 года. На трасах Пхёнчхана ты праявіла высокае спартыўнае майстэрства не толькі ў лыжных гонках, але і ў спаборніцтвах па біятлоне, заваяваўшы для краіны бронзавы медаль у спрынце", — прыводзіць словы кіраўніка дзяржавы яго прэс-служба.
Лукашэнка выказаў упэўненасць, што поспехі Саханенка стануць яркім арыенцірам для нашых спартоўцаў, а таксама дадуць стымул, каб змагацца і дамагацца значных вынікаў дзеля славы нашай краіны.
Святлана Саханенка заваявала першы для Беларусі залаты медаль на Паралімпіядзе ў Пхёнчхане. Яна стала першай у лыжнай гонцы на 15 кіламетраў вольным стылем.