Святлана Ціханоўская: "Я хачу бяспечна вярнуцца ў Беларусь"
18 студзеня Святлана Ціхановская правяла анлайн-сустрэчу з амбасадарамі Еўрасаюза ў АБСЕ, паведамляе яе прэс-служба.
Ціханоўская прапанавала, каб АБСЕ арганізавала дыялог для развязання крызісу ў Беларусі. Для пачатку АБСЕ можа арганізаваць экспертны круглы стол з удзелам ЕС, дэмакратычных сіл Беларусі і Каардынацыйнай рады, а таксама прадстаўнікоў рэжыму Лукашэнкі.
Таксама Ціханоўская разлічвае на дапамогу БДІПЧ АБСЕ ў арганізацыі новых свабодных выбараў у Беларусі — у адпаведнасці з міжнароднымі стандартамі і пад міжнародным назіраннем.
Падчас анлайн-дыскусіі амбасадары АБСЕ абмеркавалі з Ціханоўскай рэалізацыю Маскоўскага механізму АБСЕ і стварэнне міжнароднага органа па расследаванні злачынстваў рэжыму Лукашэнкі. Ціханоўская перадала ўдзельнікам сустрэчы аўдыязапіс Мікалая Карпянкова, дзе гаворыцца пра стварэнне лагераў для пратэстоўцаў.
Зайшла гаворка і пра нядаўняе вяртанне Аляксея Навальнага ў Расію. Ціханоўская папрасіла міжнародныя арганізацыі дапамагчы ей і іншым дэмакратычным лідарам у бяспечным вяртанні дадому: "Паколькі супраць мяне пачалі дзве крымінальныя справы з міждзяржаўны вышукам, гэта павінныя быць спецыяльныя гарантыі майго вяртання. Сітуацыя з Навальным паказала, што ў гэтым патрэбная дапамога міжнароднай супольнасці, і перш за ўсё — АБСЕ".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
