СМІ: На літоўскай мяжы памёр беларускі кіроўца

На літоўска-беларускай мяжы, на тэрыторыі кантрольна-прапускнога пункта "Мядзінінкай", памёр беларускі кіроўца. У другой палове дня 3 кастрычніка грузавік MAN TGA, якім ён кіраваў, з'ехаў з дарогі і ўрэзаўся ў іншы прыпаркаваны грузавік. Пасля здарэння ў кабіне першага аўтамабіля і знайшлі цела 51-гадовага беларуса. Паводле папярэдняй версіі, прычынай яго смерці сталі праблемы са здароўем, інфармуе sputnik.by са спасылкай на літоўскія СМІ.

Дарэчы, беларускі бок пакуль не мае інфармацыі пра здарэнне на мяжы з удзелам грамадзяніна нашай краіны.