Штотыднёвік "Обозреватель" перастане выходзіць з наступнага года

Вядомы беларускі бізнесмен Сяргей Атрошчанка прыняў рашэнне аб закрыцці штотыднёвіка "Обозреватель", уладальнікам і галоўным рэдактарам якога з'яўляецца. Газета перастане выходзіць з 1 студзеня наступнага года.

Канкрэтныя прычыны, якія падштурхнулі да такога кроку, Атрошчанка не назваў, адзначыўшы, што яны не звязаныя ні з палітыкай, ні з эканамічнай сітуацыяй, інфармуе “Інтэрфакс-Захад”.