Вы тут

Самаізаляцыя — справа ізаляваных: расіяне могуць без праблем патусіць ў Беларусі

Расіяне ў Мінску / interfax.by

Грамадзяне, якія прыехалі ў Беларусь з-за мяжы, павінны самаізалявацца на 14 дзён. Аднак сачыць за тым, выконваюць яны гэтую рэкамендацыю, ніхто не будзе — замежнікі павінны праявіць свядомасць. Пра гэта на прэс-брыфінгу Міністэрства аховы здароўя заявіла галоўны санітарны ўрач Наталля Жукава.

Паводле яе слоў, беларус, які прыехаў з-за мяжы, павінен самаізалявацца дома. Члены яго сям'і могуць хадзіць на працу і ў грамадскія месцы. Пры гэтым яны павінны сачыць за сваім здароўем і пры сімптомах захворванняў звярнуцца да лекараў.

Усе без выключэння замежнікі, якія прыязджаюць у Беларусь, павінны прайсці двухтыднёвую хатнюю самаізаляцыю.

У Расіі наступны тыдзень будзе нерабочым — адпаведнае рашэнне прыняў Уладзімір Пуцін. На доўгія святы расіяне традыцыйна масава ездзяць адпачываць у Беларусь. Тым больш што мяжа паміж Беларуссю і Расіяй з беларускага боку не зачыненая.

Але ў Беларусі напярэдадні было прынята рашэнне, што ў 14-дзённую самаізаляцыю павінны трапляць усе замежнікі, якія прыехалі з краін, дзе зарэгістраваны каранавірус. У тым ліку і з Расіі, дзе колькасць пацверджаных выпадкаў каранавіруса 27 сакавіка пераваліла за тысячу.

Аднак адсачыць, ці самаізалююцца расіяне па прыездзе ў Беларусь, будзе немагчыма. Зараз сапраўды ясна, што ў "адлове" расіянаў дакладна не будуць удзельнічаць беларускія памежнікі.

"Супрацоўнікаў органаў памежнай службы Рэспублікі Беларусь, якія ажыццяўляюць пагранічны кантроль, на расійскім напрамку няма", — распавёў Еўрарадыё афіцыйны прадстаўнік Дзяржпагранкамітэта Беларусі Антон Бычкоўскі. Адпаведна, нашы памежнікі не будуць ні правяраць аўтамабілі, якія ідуць з Расіі, ні фіксаваць, калі яны ўязджаюць у Беларусь, каб пачаць адлік для двухтыднёвай самаізаляцыі.

Па факце, "вялікія выходныя" у Расеі пачаліся вечарам у пятніцу, 27 сакавіка. Ці чакаць нам нашэсця расійскіх турыстаў, якія, як мы зразумелі, могуць без праблем трапіць у Беларусь на аўтамабілі?

Атэльер з Мінска Вольга Станеўская расказвае Еўрарадыё, што зняць вяршкі са здачы апартаментаў расіянам не атрымаецца:

"Гэта [вялікія выхадныя ў Расіі. — Еўрарадыё] ніяк не адбілася [на колькасці заказаў]: у нас як не было браняванняў, так і няма. Да нас не могуць прыязджаць госці, таму што яны павінны прайсці каранцін [самаізаляцыю. — Еўрарадыё], гэта па-першае. Па-другое, адмяняюцца рэйсы. Па-трэцяе, людзі ж не звар'яцелыя, каб падарожнічаць у такі момант, калі яны губляюць працу і знаходзяцца ў стане поўнай нявызначанасці. З-за гэтай сукупнасці фактараў і ў мяне, і ў маіх калегаў ўсе кватэры каштуюць адкрытымі ".

Вольга Станеўская удакладняе, што дзяржорганы не праводзілі з атэльерамі ніякіх рэкамендацыйных гутарак з нагоды ўказу №171 аб "самаізаляцыі" замежных грамадзян:

"Нас наогул ніхто не інфармаваў, і наогул не ведаю працэсуальную складнік гэтага працэсу. Ці ёсць там нейкія пакарання або адміністрацыйныя рычагі, я не ведаю ".

У суседняй Польшчы, напрыклад, захаванне самаізаляцыі адсочваюць пры дапамозе мабільнага прыкладання. Яго павінны выкарыстоўваць тыя, хто прыбыў з-за мяжы і знаходзіцца на 14-дзённым карантыне. Час ад часу ім неабходна будзе рабіць сэлфі для таго, каб пацвердзіць, што яны дома. На гэта адводзіцца 20 хвілін пасля атрымання адпаведнага паведамлення. Калі ва ўстаноўлены тэрмін здымак не зроблены, гэта будзе сігналам для паліцыі, што неабходна праверыць, ці не парушаны правілы карантыну. Штраф за парушэнне правілаў каранціну можа дасягаць 5 тысяч злотых (каля 1200 даляраў).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.