Жыхароў Вільні перасадзяць на электраровары
Прадпрыемства "Транспартныя паслугі" мясцовага самакіравання абвясціла конкурс на закупкі 25 ровараў з электрарухавікамі.
Іх збіраюцца здаваць напракат жыхарам і гасцям літоўскай сталіцы. Каб ровары не расцягнулі і не разабралі зламыснікі, самакіраванне плануе стварыць адмысловую сістэму назірання і кіравання паслугай, паведамляе БелТА.
Работнікі прадпрыемства змогуць адсочваць маршруты перамяшчэння ровара, час пракату і вызначаць кошт арэнды.