За 200 еўра метэаролагі назавуць вашым імем буру
Метэаралагічная служба Свабоднага ўніверсітэта Берліна выставіла на продаж назвы цыклонаў 2013 года.
Паслуга каштуе 199 еўра і разлічаная на мужчын, якія хочуць даць цыклону сваё імя або мянушку. Жаночыя імёны антыцыклонаў ужо прададзеныя, хоць каштавалі даражэй — 299 еўра, адзначае Lenta.ru.
Калі пакупнікі не знойдуцца, метэаролагі выставяць лоты на інтэрнэт-аўкцыён Ebay.
Універсітэцкая метэастанцыя за кошт продажу імёнаў фінансуе свае назіранні. Пакупнікі атрымліваюць спецыяльны сертыфікат.
Традыцыя надаваць цыклонам імёны ўзнікла ў Нямеччыне ў 1990-х гадах, калі моцныя зімовыя буры былі названыя Вівіян (Vivian) і Вібкэ (Wiebke).
Фота — ru.gdefon.com
