Юлія Цімашэнка патрабуе суда над прэзідэнтам Украіны
Хадайніцтва аб гэтым яна збіраецца зарэгістраваць сёння.
Былы прэм'ер-міністр Украіны Юлія Цімашэнка, абвінавачаная ў перавышэнні паўнамоцтваў пры заключэнні газавых кантрактаў з Расіяй, запатрабавала ўзбудзіць крымінальную справу ў дачыненні да прэзідэнта краіны Віктара Януковіча. З такой заявай Цімашэнка выступіла на пасяджэнні Пячэрскага раённага суда ў Кіеве, паведамляе агенцтва УНІАН. Цімашэнка лічыць, што Януковіч мае такое ж дачыненне да газавых кантрактаў з Расіяй, што і яна.
