Вікторыя Азаранка — трэцяя ракетка свету!
Гэта найвышэйшае дасягненне беларускіх тэнісістаў.
Беларуская тэнісістка Вікторыя Азаранка сёння стала трэцяй ракеткай свету. Пра гэта сведчыць абноўлены рэйтынг тэнісістак.
За два апошнія тыдні Азаранка паднялася на дзве пазіцыі і абыйшла расіянку Веру Званарову і Кім Клійстэрс з Бельгіі. На чале рэйтынгу застаецца Каралін Вазняцкі з Даніі, на другое месца выйшла Марыя Шарапава, расіянка беларускага паходжання.
У чэмпіёнскай гонцы беларуска засталася на пятым месцы.
Адзначым, што беларуска Настасся Якімава з 84-га месца паднялася на 79-е месца. Вольга Гаварцова з 110-га перамясцілася на 113-е.
Фота — bymedia.net
