Ва Украіне пенсіянераў абдурвалі 500-рублёвай беларускай купюрай
Здарэнне адбылося ў Кіеўскай вобласці. Махляры прадстаўляліся сацыяльнымі працаўнікамі і прапаноўвалі даплаты да пенсіі.
Замест 500 украінскіх грыўняў (больш за 60 долараў) зламыснікі давалі сваім ахвярам 500 беларускіх рублёў. Пры гэтым пенсіянеры павінны былі даць рэшту.
Адна з пенсіянерак, паглядзеўшы на прапанаваную ёй купюру, сказала, што такіх грошай яна не ведае. Ашуканец з'ехаў, а пільная бабуля тут жа ператэлефанавала старшыні сельсавета, які паведаміў пра здарэнне ўчастковаму міліцыянту.
"Сацыяльных працаўнікоў", якіх было трое, затрымалі неўзабаве на ўездзе ў суседнюю вёску. Усе яны аказаліся жыхарамі Чарнігаўскай вобласці. У іх былі знойдзеныя купюры наміналам 500 беларускіх рублёў.
Фота — bymedia.net
