Усе дарогі Беларусі вольныя для руху транспарту
Паводле звестак МНС па 7.00 17 сакавіка, усе заторы цалкам ліквідаваныя.
За мінулыя суткі падраздзяленні МНС 156 разоў дапамагалі выцягваць са снегавых заносаў 224 транспартныя сродкі. Гэта тычылася як легкавых аўтамабіляў, так і грузавікоў, рэйсавых аўтобусаў, машын хуткай дапамогі. У гэтых транспартных сродках знаходзілася 535 чалавек. Работнікі псіхалагічнай службы МНС аказалі дапамогу 14 грамадзянам.
Застаюцца неадрамантаванымі дахі двух жылых дамоў і 49 ельскагаспадарчых будынкаў. Пацярпелых няма.
Працягваецца ўборка снегу з праезных частак дарог усіх узроўняў, з двароў населеных пунктаў. Увесь час вядзецца маніторынг дарожнай сітуацыі, інфармуюць naviny.by
