У столінскага мэнэджэра скралі 17 тысяч долараў
Следчы камітэт распачаў крымінальную справу і шукае зламысніка.
Як паведамляе прэсс-лужба міліцыі Брэсцкай вобласці, у Столінскі РАУС звярнуўся мэнэджэр прыватнага ўнітарнага прадпрыемства з заявай аб крадзяжы.
Па словах пацярпелага, увечары 2 сакавіка невядомы адціснуў шклопакет, пранік у дом і скраў 16 500 амерыканскіх долараў, 450 тысяч рублёў і гарнітуру да мабільніка. Прычым зроблена гэта было прыкладна за 40 хвілін — менавіта столькі часу гаспадара не было ў доме.
