У Італіі загінуў васьмігадовы беларускі хлопчык
Гэта афіцыйна пацвердзіла беларускае Міністэрства замежных справаў.
Прычынай стаў няшчасны выпадак, перадае БелаПАН. Італьянскія СМІ паведамляюць, што 8-гадовы хлопчык з Беларусі загінуў у Бергама, дзе знаходзіўся па запрашэнні аднаго з чарнобыльскіх фондаў Італіі.
Хлопчык зваліўся з ровара ў басейн глыбінёй каля двух метраў, дзе амаль не было вады, і моцна ўдарыўся галавой. Трагедыя адбылася ў двары дома італьянскай сям'і, дзе гасцяваў хлопчык. Для хлопчыка выклікалі хуткую дапамогу. Аднак лекары ў рэанімацыі не змаглі выратаваць яго жыццё.
