У Брэсце праходзіць юбілейная выстава котак (фота)
Яе арганізатар — грамадскае аб'яднанне кашатнікаў "Эліт-кіс", якому сёлета споўнілася 20 год.
Цягам двух дзён каля 70 хвастатых канкурсантаў пазмагаюцца за званне найлепшых. Паўдзельнічаць у праграме могуць і наведвальнікі — у фотаконкурсе "Дзіця і кацяня" і вылучэнні "Прыза глядацкіх сімпатыяў".
Дарэчы, большасць котак —брытанскія кароткапоўстыя, якіх на выставе амаль 30. А самыя рэдкія — палінезійская, бенгальская, турэцкая ангора. Як адзначылі арганізатары, гэтыя пароды нават на міжнародных выставах прадстаўлены адзінкамі.