У Бабруйску арганізатара Народнага сходу арыштавалі на трое сутак
Бабруйскі суд на трое сутак арыштаваў старшыню аргкамітэту Народнага сходу Канстанціна Локцева.
Як паведамляе Радыё "Свабода", суддзя Наталля Шэгеда прызнала яго вінаватым ва ўдзеле ў несанкцыянаваным мерапрыемстве 8 кастрычніка. У гэты дзень у Бабруйску праходзіў Народны сход.
Яшчэ адна абвінавачаная за ўдзел у сходзе, актывістка АГП Галіна Смірнова цяпер знаходзіцца ў міліцыі. Па тэлефоне яна паведаміла, што на яе перарабляюць пратакол адміністрацыйнага правапарушэння.
Нагадаем, што 3 лістапада на 10 сутак арыштавалі актывіста АГП Віктара Бузінаева. Яго судзіла тая ж суддзя Шэгеда. Яна прызнала яго вінаватым у арганізацыі несанкцыяванага мерапрыемства 8 кастрычніка.
