Серж Танкян выклаў новы альбом у інтэрнэт
Трэцяя сольная пласцінка вакаліста System of a Down называецца "Harakiri".
Нягледзячы на тое, што афіцыйны рэліз альбома запланаваны на 10 ліпеня, паслухаць у сеціве яго можна ўжо цяпер.
Пласцінку "Harakiri", у якую ўвайшло 11 песень, Танкян спрадзюсаваў самастойна. 3 трэкі з альбома - "Figure it Out", "Cornucopia" і загалоўны трэк "Harakiri" - ужо былі прадстаўленыя ў якасці сінглаў раней.
Альбом "Harakiri" для Танкяна - трэці. Папярэднюю сольную працу "Imperfect Harmonies" ён выпусціў у 2010 годзе.
Паслухаць "Harakiri" можна тут.
