Пуцін патрапіў у сакрэтны "чорны спіс" паліцыі ў Фінляндыі
Расійскі прэзідэнт апынуўся ў рэгістры арганізаванай злачыннасці пры Цэнтральнай крымінальнай паліцыі з-за сваіх сувязяў з байкерскім клубам "Начныя ваўкі".
Як паведамляе сайт delfi.lt, гэта азначала, што Уладзіміра Пуціна падазравалі ў спрыянні дзейнасці арганізаванай злачыннай групоўкі. Справа, нібыта, захоўвалася ў звышсакрэтным рэгістры паліцыі, доступ да якога маюць толькі некалькі дзясяткаў паліцыянтаў па ўсёй Фінляндыі.
Пазней Паліцыйнае ўпраўленне Фінляндыі паведаміла, што Пуцін патрапіў у "чорны спіс" памылкова і заклікала Цэнтральную крымінальную паліцыю выдаліць адтуль яго прозвішча. Таксама праводзіцца расследаванне, якім чынам гэты кур'ёз стаў магчымы.