Павел Вінаградаў знайшоўся ў турме на Акрэсціна
Працэс над ім пройдзе сёння ў судзе Маскоўскага раёна Мінску. У чым вінавацяць хлопца, пакуль невядома.
Пра гэта паведамляе грамадская ініцыятыва "Гавары праўду!" са спасылкай на жонку Вінаградава Святлану. Па яе словах, пакуль Паўла ўдалося адшукаць, яна паспела паставіць мужа на ўлік у Бюро рэгістрацыі няшчасных выпадкаў, пабываць у КДБ і ў міліцыі.
Нагадаем, што актывіст знік учора ўвечары, калі сышоў з офіса кампаніі "Гавары праўду!". У 18.30 у яго была запланаваная сустрэча ў кавярні "Містраль" каля стадыёна "Дынама". На сустрэчу былы палітвязень так і не з'явіўся. Затое стала вядома, што туды прыходзілі двое ў цывільным і кагосьці шукалі.