Пайшоў з жыцця мастак Яўген Шатохін
Яму было 64 гады.
Яўген Шатохін нарадзіўся ў 1947 годзе ў Пінску. У родным горадзе стварыў дзіцячую мастацкую школу. З’яўляўся актывістам Кансерватыўна-Хрысцінскай партыі БНФ, быў сябрам сейма партыі. Ягоны талент мастака па заслугах ацэнены ў Францыі, дзе Шатохін атрымаў званне ганаровага грамадзяніна горада Альберт, паведамляе “Радыё Рацыя”.
25 лютага мастаку споўнілася б 65 год, на гэты дзень яго сябры і паплечнікі рыхтавалі творчыя вечары.
