На гвардзейцаў брытанскай каралевы напала кароста
Элітны Колдстрымскі пяхотны полк пакутуе на гэту хваробу.
Паводле некаторых звестак, каросту падхапілі каля 500 гвардзейцаў. Займець хваробу яны маглі ў Нямеччыне, дзе полк нядаўна ладзіў вучэнні, паведамляюць інфармагенцтвы.
Колдстрымскі полк — найстарэйшае падраздзяленне рэгулярнага войска Вялікабрытаніі. У 1650 годзе яго заснаваў Олівер Кромвель. Да цяперашняга выпадку, каросты ў брытанскай арміі не было ўжо 60 гадоў.
