На адкрыцці помніка Караткевічу ў Кіеве гучаў голас пісьменніка
Цырымонія афіцыйнага адкрыцця прайшла ва ўкраінскай сталіцы сёння, 20 кастрычніка.
Помнік аўтару “Дзікага палявання” — гэта бронзавая скульптура ў поўны рост. Паставілі яе ля беларускай амбасады ў Кіеве на вуліцы Кацюбінскага, 3 яшчэ ў красавіку, але акрылі толькі сёння.
У мерапрыемстве бралі ўдзел міністры культуры Беларусі і Украіны — Павел Латушка і Міхаіл Кулыняк.
У часе цырымоніі афіцыйныя асобы выступілі з прамовамі, у якіх адзначылі, што імя Уладзіміра Караткевіча шмат значыць не толькі для беларускай, але і для ўкраінскай культуры. Класік беларускай літаратуры скончыў Кіеўскі дзяржаўны ўніверсітэт і нават пэўны час працаваў ва Украіне настаўнікам.
У часе цырымоніі нават прагучаў у запісе голас Уладзіміра Караткевіча, а таксама былі прачытаныя ўрыўкі з яго твораў.
Гутарка ў жывым эфіры Еўрарадыё з нашай карэспандэнткай у Кіеве Аленай Літвінавай:
