Міліцыянты не прымаюць перадачы для затрыманых журналістаў
Супрацоўнікі Цэнтра ізаляцыі правапарушальнікаў на Акрэсціна заяўляюць, што журналісты змогуць атрымаць перадачы толькі пасля суда ў панядзелак.
Саміх жа Генадзя Барбарыча і Аляксандра Ярашэвіча міліцыянты вінавацяць у непадпарадкаванні супрацоўнікам міліцыі. Пра гэта ў ЦІП паведамілі прэсаваму сакратару ГА "БАЖ" Барысу Гарэцкаму, які раніцай у суботу разам з грамадзянскай жонкай аднаго з затрыманых наведаў Акрэсціна.
Нагадаем, што журналісты Генадзь Барбарыч і Аляксандр Ярашэвіч былі затрыманыя пасля заканчэння дазволенай мінскімі ўладамі акцыі "Чарнобыльскі шлях", адкуль вялі рэпартаж і мелі пры сабе пасведчанні.
