Лукашэнка: Беларусь навучылася змагацца з “сеткавымі рэвалюцыямі”
Пра гэта беларускі лідар заявіў сёння ў Мінску на сустрэчы з удзельнікамі паседжання Савета Парламенцкай асамблеі АДКБ.
На думку Аляксандра Лукашэнкі, варта звярнуць сур’ёзную ўвагу на сучасную інфармацыйную прастору. У тых ці іншых дзяржавах яе выкарыстоўваюць для дэстабілізацыі сітуацыі, упэўнены беларускі кіраўнік.
У якасці прыкладу Лукашэнка прывёў падзеі ў арабскім свеце, дзе пасля рэвалюцыяў, на яго думку, сітуацыя не палепшылася. У Беларусі ні ў якім разе не будуць закрываць для абмеркавання блогі, старонкі ў сацыяльных сетках, цытуе кіраўніка краіны агенцтва БЕЛТА. “Але калі гэта супрацьзаконнае дзеянне, мы адпаведныя захады робім”, — сказаў Лукашэнка.
