Гродзенцы высвятляюць, як экскурсія стала масавым мерапрыемствам
26 красавіка кандыдат гістарычных навук Андрэй Чарнякевіч накіраваў афіцыйную заяву ў гарвыканкам.
Такое пытанне паўстала пасля забароны некалькіх экскурсій у Гродне ў рамках краязнаўчай акцыі “Фэст экскурсаводаў”. Пра гэта вядучым вандровак па горадзе паведамілі ўчастковыя міліцыянты. Яны з’явіліся дадому да гісторыкаў і папярэдзілі іх за адказнасць за несанкцыяванае масавае мерапрыемства.
“Калі так, то ці азначае гэта, што у Гродне кожная экскурсія павінна праводзіцца выключна пры наяўнасці пісьмовага дазволу кіраўніка Гродзенскага гарадскога выканаўчага камітэта”, — піша ў лісце Андрэй Чарнякевіч.
