Гомельскім прадпрымальнікам рэзка ўзнялі арэнду
Гандлярам з цэнтру “Сакрэт” уздымаюць плату за памяшканні ў 1,4-2 разы.
У залежнасці ад аб’екта кошт квадратнага метра складзе каля 100 еўра, паведаміў БелаПАН старшыня савета грамадскага аб’яднання “Перспектыва” Анатоль Шумчанка.
У кастрычніку мінулага года паміж прадпрымальнікамі і ўласнікам гандлёвага цэнтру пачаўся канфлікт. Тады ўласнік хацеў павысіць арэнду з 45 да 100 еўра за квадратны метр. Аблвыканкам узяў бок гандляроў і ўласнік узняў аплату нязначна.
Але ў новай дамове сказана, што арэндадаўца можа павышаць аплату тры разы на год з паведамленнем загадзя. Прадпрымальнікі зноў звярнуліся ў адбвыканкам і спадзяюцца, што мясцовыя ўлады дапамогуць ім, як гэта было ўвосень.
