Гомельскіх актывістаў зноў будуць судзіць за ўлёткі
Андрэя Цянюту і Васіля Такарэнку затрымалі 20 верасня, калі яны раздавалі на вуліцы інфармацыйныя матэрыялы пра Народны сход.
Актывістаў даставілі ў ізалятар часовага ўтрымання. Іх будуць судзіць за парушэнне парадку правядзення масавага мерапрыемства, паведамляе БелаПАН.
Народны сход прызначаны на 8 кастрычніка. У Гомелі яго плануюць правесці ля ДК “Віпра” па вуліцы Юбілейнай.
