“Гомель” сёння згуляе з “Мінскам”
Матч 26-га тура чэмпіянату Беларусі па футболе сярод каманд вышэйшай лігі пройдзе ў сталіцы на стадыёне “Дынама”, яго пачатак — 20.15.
На сённяшні дзень “Мінск” апынуўся на пятым радку турнірнай табліцы чэмпіянату і мае 33 ачкі пасля 22 гульняў. “Гомель” стаіць на чацвёртым радку і мае 39 ачкоў, але пасля 21 гульні. Пры гэтым у сёлетнім чэмпіянаце “Мінск” яшчэ не выйграваў у гамяльчан. 29 красавіка іх сустрэча скончылася з лікам 1:2 на карысці “Гомеля”, а 8 ліпеня каманды разышліся з нічыёй — 2:2.
Такім чынам, “Гомель” будзе змагацца за вяртанне ў тройку лідараў, адкуль яго сёлета выціскае мінскае “Дынама”.