Фотафакт: людзі ў масках правялі затрыманне ў цэнтры Мінску
Аперацыя праводзілася сілавікамі на скрыжаванні вуліц Казлова і Румянцава ў чацвер каля 17.45.
Мужчыны ў масках затрымалі аўтамабіль "Мазда" з мінскімі нумарамі і дваіх маладых людзей. У аўто было пабітае лабавое шкло, у аднаго з затрыманых — разбіты твар.
Побач, адзначаюць відавочцы, стаяў мікрааўтобус з гомельскімі нумарамі — магчыма, аперацыю праводзілі разам сілавікі з Мінска і Гомеля.
У прэс-службах праваахоўных органаў пакуль не даюць інфармацыі, хто і якую аперацыю праводзіў, інфармуе "Наша ніва".