Дэпутатка бундэстага падтрымала Сяргея Каваленку
Марылуіза Бек асудзіла прысуд, вынесены віцебскаму палітвязню.
У яе заяве, перадае БелаПАН, гаворыцца, што прысуд супраць Каваленкі пацвярджае мэтанакіраваную барацьбу супраць дысідэнтаў у Беларусі. Па словах дэпутаткі ад партыі "Зялёныя", у зняволенні над палітвязнямі здзекуюцца маральна і фізічна.
Бек заклікае беларускія ўлады вызваліць усіх палітвязняў і рэабілітаваць іх. Нямецкая дэпутатка таксама заклікае ЕС адмяніць візы для беларусаў, бо адкрыццё грамадства вельмі эфектыўна будзе спрыяць яго падтрымцы.
Нагадаем, што віцебскага апазіцыянера асудзілі на 2 гады і 1 месяц зняволення.