Беларуска стала чэмпіёнкай Еўропы па цяжкай атлетыцы
Алена Чычкан заваявала "золата" ў вагавай катэгорыі да 58 кг. Чэмпіянат Еўропы праходзіць у албанскай Тыране.
Як інфармуе БЕЛТА, у суме дваяборства 19-гадовая беларуская спартоўка падняла 213 кг (95 кг у рыўку+118 кг у штуршку).
Алена Чычкан заваявала таксама малыя залатыя медалі ў кожным з асобных практыкаванняў — у рыўку і штуршку.
Узнагарода Алены Чычкан - першая для беларускай каманды на цяперашнім чэмпіянаце Еўропы. Лідары нашай зборнай не змаглі прыехаць на гэтае спаборніцтва.
Фота — oblsport.grodno.by
