Аднавіліся пастаўкі расійскай электраэнергіі ў Беларусь
Гэта адбылося вечарам 2 ліпеня.
Расійская кампанія "Интер РАО ЕЭС" аднавіла пастаўкі электраэнергіі ў Беларусь. Аб гэтым паведаміў вечарам 2 ліпеня расійскім СМІ афіцыйны прадстаўнік кампаніі Антон Назараў.
Пастаўкі электраэнергіі "Интер РАО ЕЭС" спыніла апоўначы 29 чэрвеня праз запазычанасць. Пасля пералічэння ў Маскву чарговага плацяжу яны аднавіліся 30 чэрвеня ў 23.00 па мінскім часе, аднак праз дзве гадзіны былі спыненыя па тэхнічных прычынах. Аднавіць пастаўкі загадаў асабіста прэзідэнт Расіі Дзмітрый Мядзьведзеў.
