Расійская тэнісістка адправіла ў накаўт арбітра (відэа)
Гэты рэдкі выпадак адбыўся на жаночым тэнісным турніры ў Вашынгтоне.
25-гадовая расіянка Вольга Пучкова (у яе 88-е месца ў рэйтынгу) гуляла з аргентынскай тэнісісткай. У трэцім сэце Пучкова прайграла чарговы розыгрыш і са злосцю ўдарыла ракеткай па мячу, які патрапіў у лінейнага арбітра. Удар, відаць, аказаўся адчувальным — мужчына ўпаў (гл. відэа на адзнацы 14.35).
У выніку суддзя прыняў рашэнне скончыць паядынак датэрмінова — расійскую тэнісістку дыскваліфікавалі, інфармуе сайт delfi.ee.
