Расія прапануе ўключыць Беларусь у лік краін-гарантаў для Украіны

Расія прапануе ўключыць Беларусь у склад краін-гарантаў пагаднення з Украінай. З адпаведнай заявай выступіў міністр замежных спраў РФ Сяргей Лаўроў.

Таксама ён заявіў, што расійскі бок выступае за тое, каб Беларусь працягвала адыгрываць ролю ў арганізацыі перамоваў з Украінай. Пры гэтым перамовы паміж дэлегацыямі Украіны і Расіі могуць праходзіць не толькі ў Беларусі, але і ў іншых краінах.

Напярэдадні на гэтую ж тэму выказаўся Аляксандр Лукашэнка. Ён пакрыўдзіўся, што Захад прызнаў афіцыйны Мінск памагатым агрэсара і заявіў, што перамовы не могуць адьывацца без удзелу Беларусі. "Ніякіх сепаратных за спінай Беларусі дамоўленасцяў быць не можа!" — абазначыў ён сваю пазіцыю.

Выглядае, што Расія з гэтымі патрабаваннямі пагаджаецца.