Пратэст на плошчы Незалежнасці. Фота

Шматтысячная калона прыйшла сёння ўвечары на плошчу Незалежнасці да дома ўрада. Тут злучылася жаночая калона салідарнасці і рабочыя МТЗ, якія прайшлі праз палову сталіцы. 

Удзельнікі акцыі патрабавалі, каб да іх выйшлі прадстаўнікі ўрада і Цэнтрвыбаркама, аднак марна — не выйшаў ніхто. 

Пратэстоўцы патрабавалі спыніць гвалт з боку сілавікоў, а таксама пераменаў у краіне. 

Каля Дома ўрада стаяў рэдкі шэраг сілавікоў са шчытамі. Пратэстоўцы заявілі ім, што не збіраюцца нападаць. А дзяўчаты нават кінуліся дарыць кветкі, абдымацца і рабіць сэлфі. 

Каля 18-й гадзіны на плошчы паболела сілавікоў, і яны сталі адцясняць людзей. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.