Прагназуецца, што колькасць хворых Эболай у Еўропе будзе расці (відэа)
Пра гэта заявіў прадстаўнік Сусветнай арганізацыі аховы здароўя, вірусолаг Пітэр Паёт.
Ён лічыць, што колькасць выпадкаў заражэння ліхаманкай Эбола сярод медперсаналу будзе павялічвацца. Нават нягледзячы на сучасную сістэму аховы здароўя ў краінах Еўропы і ЗША.
Па словах Паёта, які ўдзельнічаў у адкрыцці віруса, ён не здзіўлены тым, што іспанская медсястра заразілася Эболай. Ён чакае новых выпадкаў у Еўропе і ЗША, хаця не думае, што захворванне будзе распаўсюджвацца так жа хутка, як у Заходняй Афрыцы.
Нагадаем, медсястра з Іспаніі стала першым заражаным чалавекам за межамі Заходняй Афрыкі. Яна лячыла двух іспанскіх місіянераў, якія пасля памерлі ад віруса. Агулам за час успышкі Эболы ў 2014 годзе загінулі каля 3400 чалавек. Найбольш пацярпелі Гвінея, С'ера-Леоне і Ліберыя, інфармуе ВВС.
Фота — Reuters, АР
