Праект маладых беларускіх архітэктараў "Плаваючая вежа" здзівіў амерыканцаў
Праект маладых беларускіх архітэктараў Пятра Юрчанкі, Аляксея Кунько, Уладзіслава Сідарэнкі і Дзмітрыя Ткачука "Плаваючая вежа" здзівіў амерыканцаў крэатыўнымі ідэямі. Нашы суайчыннікі ўпершыню атрымалі ганаровую прэмію Skyscraper Competition 2019, заснаваную папулярным архітэктурным часопісам eVolo Magazine, інфармуе TUT.by.
"Плаваючая вежа" — канструкцыя для ратавання беларускіх балотаў. Яна складаецца з двух лятаючых сфер, якія злучаныя сістэмай кабеляў. Верхняя сфера не толькі адказвае за рух усёй канструкцыі, але і за збор на сваёй вялізнай плошчы (больш за 7 тысяч квадратных метраў) кандэнсату. Гэтыя тысячы літраў вады накопліваюцца ў ніжняй сферы і выкарыстоўваюцца для арашэння будучых балот.
У "вежы" ёсць і памяшканні для даследчых цэнтраў, для часовага знаходжання людзей.
