Польскі Сейм дазволіў цалкам закрываць для наведвання памежную зону

Сейм Польшчы ўхваліў папраўку ў закон аб дзяржаўнай мяжы, якае дазваляе цалкам закрываць для наведвання памежную зону. 

Як паведамляе прэс-служба Міністэрства ўнутраных спраў і адміністрацыі, за гэтае рашэнне прагаласавалі 245 дэпутатаў Сейма, супраць — 167. Яшчэ 25 устрымаліся.

У бліжэйшыя дні змены абмяркуюць і у Сенаце.

Змены ў заканадаўства ўносяцца на фоне міграцыйнага крызісу, які ўзнік на мяжы Беларусі і краін ЕС — Польшчы і Літвы. Мігранты імкнуцца нелегальна перайсці мяжу ў ЕС. Еўрапейскія палітыкі вінавацяць Мінск і Маскву ў арганізацыі "гібрыднай атакі".