Вы тут

Перамовы з Лукашэнкам і адмова ад новых выбараў? Меркаванне штаба Бабарыкі

Аляксандр Лукашэнка на акцыі прыхільнікаў у жніўні 2020-га / EPA

Штаб Віктара Бабарыкі сёння радзей з'яўляецца ў навінах і робіць публічныя палітычныя крокі — у першую чаргу праз тое, што лідары сядзяць у турме. Пры гэтым у выходныя лідар НАУ Павел Латушка заявіў пра тое, што штаб прапануе ісці шляхам дээскалацыі і ўступаць у перамовы з Лукашэнкам. У тым ліку, па словах Латушкі, "спрабуе ўступаць у таемныя перамовы" з рэжымам.

Ці сапраўды штаб Віктара Бабарыкі гатовы "перагарнуць старонку"? Пра гэта ў эфіры Еўрарадыё выказаўся прадстаўнік штаба Іван Краўцоў.

За адмену санкцый?

Адно з пытанняў слухачоў эфіру датычылася таго, ці не выступае штаб за адмену санкцый.

— Адмяняць інструменты ціску... Пратэст, які быў год таму, — гэта таксама інструмент ціску. Калі мы ўсе ўбачылі вынікі на выбарах, мы ўсе выйшлі на акцыях ціснуць гэтую ўладу. Таму ціск — гэта рычагі ўздзеяння.

Але пры гэтым ужываць ціск без зразумелых далей палітычных крокаў па развязанні палітычнага крызісу — гэта таксама дзіўна. І таму стратэгія больш шырокая: мы павінны ўжываць усе інструменты, якія даступныя.

Краўцоў прывёў у прыклад міграцыйны крызіс: па яго словах, спроба ўладаў зладзіць правакацыю на мяжы не ўдалася, таму што ЕС "камбінуе метады: і санкцыі, і званкі Барэля Макею".

— Трэба адрозніваць інструменты, пазіцыю і вынік, які яны дасягаюць, — сказаў Краўцоў.
 

Ці хоча штаб перамоваў з рэжымам, а рэжым — са штабам

На пытанне пра тое, ці гатовы сам рэжым да перамоваў, у Краўцова няма адказу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.