Перакуліўся прычэп лесавоза, бярвёны паляцелі на легкавікі (фота, відэа)

У Пінскім раёне перакуліўся прычэп лесавоза, бярвёны паляцелі на легкавікі. Здарэнне адбылося каля 12-й гадзіны раніцы 27 жніўня на трасе Івацэвічы — Пінск — Столін. Як інфармуе "Палеская праўда", недалёка ад хутара Рафалавічы ад лесавоза адчапіўся прычэп (прычынай стала няспраўная счэпная прылада цягача). Пасля таго, як ён перакуліўся, бярвёны разляцеліся па дарозе. Яны закранулі два аўтамабілі, прыпаркаваныя на абочыне. Яшчэ адна машына атрымала пашкоджанні падчас руху. На шчасце, людзі не пацярпелі.

Вядома, што лесавоз належыць прыватнай асобе. Праводзіцца праверка.