Пажар на СТА ў Мінску: пацярпелых няма
Здарэнне адбылося ў пятніцу, 21 лютага на вуліцы Цэнтральнай, 46.
Ратавальнікаў выклікалі мінакі, якія заўважылі пажар у будынку. Калі супрацоўнікі МНС прыбылі на месца, то заспелі адкрытае гарэнне даху, двух аўтамабіляў і абсталявання ўнутры будынку.
У аднапавярховым боксе па рамонце машын згарэлі драўляныя элементы будынку і дзце машыны — “Форд Скорпіа” і “Фольксваген”. Пацярпелых няма, прычыны пажару высвятляюцца, інфармуе прэс-служба МНС.