Павел Севярынец зноў трапіў за краты, яго асудзілі на 10 сутак арышту
![Павел Севярынец зноў трапіў за краты, яго асудзілі на 10 сутак арышту](/sites/default/files/styles/gallery_main/public/2023-08/yyd_0966_0.jpg.webp?itok=rqgidR00)
Сустаршыня аргкамітэта па стварэнні партыі БХД Павел Севярынец зноў трапіў за краты, яго асудзілі на 10 сутак арышту. Пра гэта ў Facebook напісаў яго паплечнік Дзяніс Садоўскі. Як даведалася Еўрарадыё, Севярынец пакараны адміністрацыйным арыштам за ўдзел у абароне Курапатаў у лютым 2017 года.
Днямі апазіцыйны палітык выйшаў з ізалятара ў Оршы, дзе адбываў 15 сутак за ўдзел у “Маршы недармаедаў”. На волі ён прабыў толькі некалькі дзён.