Вы тут

ПАСЕ не будзе назіраць за прэзідэнцкімі выбарамі ў Беларусі

Да выбараў засталося менш за тры тыдні / Reuters

Парламенцкая асамблея Савета Еўропы не будзе назіраць за прэзідэнцкімі выбарамі ў Беларусі, паведамляе ria.ru. Прэзідэнт арганізацыі Рык Даемс назваў некалькі прычын, сярод іх — позняе запрашэнне, якое прыйшло з Мінска. Ён спаслаўся не толькі на "абмежаваны час да выбараў", але і на адсутнасць на беларускіх выбарах такіх арганізацый як БДІПЧ АБСЕ, на сітуацыю з распаўсюдам каранавіруса, якая абмяжоўвае паездкі членаў ПАСЕ.

"Асамблеі не ўяўляецца магчымым накіраваць дэлегацыю з гэтага выпадку", — заявілі ў ПАСЕ.

Прэзідэнцкія выбары ў Беларусі прызначаны на 9 жніўня, да іх засталося менш за тры тыдні. Цяпер праходзіць агітацыйная кампанія.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.