Партыя БНФ рыхтуе свайго кандыдата ў прэзідэнты Беларусі

Свайго кандыдата ў прэзідэнты Беларусі вылучыць Партыя БНФ з ліку сваіх сяброў на будучых выбарах. Такое рашэнне ўчора прыняў Сойм партыі.  Да 1 лістапада бягучага года палітычная камісія мусіць падрыхтаваць праект парадка вылучэння кандыдата і зацвердзіць спіс магчымых прэтэндэнтаў у кандыдаты.

У той жа час, адзначаецца, што ў выпадку неабходнасці фронтаўцы возьмуць удзел у вызначэнні адзінага кандыдата ў прэзідэнты ад аб'яднаных дэмакратычных сілаў.

Аднак толькі ў тым выпадку, калі рашэнне аб працэдуры яго вызначэння "будзе прымацца кансенсусам усіх суб'ектаў, якія вылучаюць сваіх прэтэндэнтаў на пасаду адзінага кандыдата ад АДС".

БелаПАН