Парашэнка гатовы падпісаць асацыяцыю з ЕС адразу пасля інаўгурацыі
Пра гэта паведаміла прэс-служба новаабранага прэзідэнта Украіны Пятра Парашэнкі 4 чэрвеня.
"Імкненне да еўраінтэграцыі мы абаранялі на Майдане, менавіта таму я гатовы падпісаць эканамічную частку пагаднення аб асацыяцыі і ўвесці зону свабоднага гандлю з ЕС адразу пасля інаўгурацыі", — перадае censor.net.ua словы Парашэнкі.
Гэтую заяву ён зрабіў падчас сустрэчы з прэзідэнтам Аўстрыйскай Рэспублікі Хайнцам Фішэрам. Тым самым Парашэнка абверг чуткі, быццам ён хоча адтэрмінаваць падпісанне пагаднення.
4 чэрвеня кіраўнік Еўрапейскага савета Герман ван Рампей заявіў, што ЕС і Украіна падпішуць эканамічную частку Пагаднення аб асацыяцыі самае позняе 27 чэрвеня.
Фота — zn.ua
