Парачка выносіла з крамаў тавары ў торбе, якую не бяруць магнітныя рамкі
![Парачка выносіла з крамаў тавары ў торбе, якую не бяруць магнітныя рамкі](/sites/default/files/styles/gallery_main/public/2023-08/para.png.webp?itok=3BcmmzDP)
У Мінску маладая пара выносіла з крамы тавары ў спецыяльнай торбе, на якую не рэагуюць магнітныя рамкі. Паводле інфармацыі з сайта ГУУС Мінгарвыканкама, зламыснікі скралі такім спосабам тавары на суму каля 1000 рублёў — пара акуляраў супраць сонца, прадукты харчавання і дарагі алкаголь.
Скрадзенае прадавалі на вуліцы незнаёмым людзям. Атрыманыя грошы трацілі на свае патрэбы.
Урэшце парачку затрымалі: 28-гадовы хлопец раней ужо меў судзімасць і жыў разам са сваёй 31-гадовай сяброўкай. Абодва не працавалі. Заведзеная крымінальная справа паводле ч. 2 арт. 205 (“Крадзеж”). Максімальная пакаранне — да 4 гадоў зняволення.