Папу Яна Паўла II назавуць святым 27 красавіка
Папа Францішак пастанавіў, што два яго папярэднікі — Ян XXIII і Ян Павел II — будуць кананізаваныя ў Рыме ў красавіку 2014 года.
Ладзячы гэту беспрэцэндэнтную цырымонію, Францішак спадзяецца злучыць прагрэсіўнае і кансерватыўнае крыло каталіцкай царквы, перадае ВВС.
Папа Ян XXIII, вядомы як "добры папа", склікаў у 1962 годзе другі Ватыканскі Сабор. На ім былі мадэрнізаваныя царкоўныя рытуалы.
Ян Павел II лічыцца больш кансерватыўным кіраўніком Каталіцкай царквы. Ён зрабіў выдатны ўнёсак у вызваленне Усходняй Еўропы ад камунізму і шмат зрабіў для наладжвання кантактаў і паразуменні паміж рэлігіямі.
Чакаецца, што на першую цырымонію падвойнай кананізацыі ў Рым прыбудуць сотні тысяч паломнікаў.
Фота — REUTERS