Пад новыя санкцыі Вялікабрытаніі трапілі Абрамовіч, Мілер, Кадыраў, Грызлоў
Вялікабрытанія ўвяла новыя санкцыі супраць Расіі. Расійскія алігархі, топ-менеджары дзяржаўных кампаній адказваюць за агрэсію РФ супраць Украіны. У "чорны спіс" трапілі бізнесоўцы Раман Абрамовіч і Алег Дзерыпаска, кіраўнік "Газпраму" Аляксей Міллер і кіраўнік "Раснафты" Ігар Сечын.
Як паведамляе "Бі-Бі-Сі", у ім таксама Уладзімір Пуцін, міністр замежных спраў Сяргей Лаўроў, кіраўніца Савета Федэрацыі Валянціна Мацвяенка, кіраўнік Службы знешняй разведкі Сяргей Нарышкін, кіраўнік Чачні Рамзан Кадыраў, пасол РФ у Беларусі Барыс Грызлоў, сенатар Андрэй Клішас і іншыя.
