Пад Мінскам гарэў ангар плошчай 600 квадратных метраў
Уначы 10 траўня ў 23.25 ратавальнікі атрымалі паведамленне пра пажар у пасёлку Прывольным у Мінскім раёне.
Падраздзяленні МНС, якія прыбылі на месца выкліку, пабачылі, што вытворча-складскі будынак гарыць адкрытым полымем. Як адзначае прэс-служба ратавальнікаў, пажар быў ліквідаваны работнікамі МНС.
Прычына інцыдэнту высвятляецца. Пацярпелых няма.
Агонь знішчыў вытворчае абсталяванне і гатовую прадукцыю на плошчы 600 квадратных метраў. Таксама знішчаны дах на плошчы 400 квадратных метраў.
